প্ৰধানমন্ত্ৰী নহয়, ৰাষ্ট্ৰপতিলৈ জিনপিঙৰ গোপন চিঠি! তাৰ পিছতেই ভাৰত-চীন সম্পৰ্কত নতুন অধ্যায়…

বেইজিঙৰ পৰা অহা এটা গোপন চিঠিয়ে আচৰিত কৰিছিল ভাৰতীয় কূটনৈতিক মহল। চিঠিখন প্ৰধানমন্ত্ৰীৰ ঠিকনাত নহয়, ৰাষ্ট্ৰপতি দ্ৰৌপদী মুৰ্মুৰ নামত আহিছিল। এই অদ্ভুত পদক্ষেপৰ আঁৰত কি গুপ্ত কাৰণ লুকাই আছে?

সূত্ৰৰ মতে, ২০২০ চনৰ গালৱান সংঘৰ্ষৰ পাঁচ বছৰৰ পিছত ভাৰত-চীন সম্পৰ্কত পৰিৱৰ্তন আনিবলৈ এই চিঠিয়ে এক নতুন বাট মেলিছিল। আমেৰিকাৰ সংবাদ মাধ্যম ব্লুমবাৰ্গৰ খবৰত কোৱা হৈছে— চীনৰ ৰাষ্ট্ৰপতি ছি জিনপিঙে চলতি বছৰ মাৰ্চ মাহত এই গোপন চিঠি প্ৰেৰণ কৰিছিল। ৰাষ্ট্ৰপতিৰ পৰা চিঠিখন শেষত প্ৰধানমন্ত্ৰী নৰেন্দ্ৰ মোদীৰ হাতলৈও গ’ল।

চিঠিখনৰ পিছত কি ঘটিল?
চিঠি প্ৰেৰণৰ কেইমাহৰ ভিতৰতেই ভাৰত আৰু চীনে সংঘাতৰ পৰিৱেশ আঁতৰি সহযোগিতাৰ দিশে আগবঢ়া আৰম্ভ কৰিলে। ব্লুমবাৰ্গৰ প্ৰতিবেদন অনুসৰি, জিনপিঙে সেই চিঠিত স্পষ্টকৈ জানিছিল— দুই দেশৰ সম্পৰ্ক স্বাভাৱিক কৰি নতুন অধ্যায় আৰম্ভ কৰাৰ সময় আহি গৈছে।

কেনেকৈ পৰিৱৰ্তন আহিল?
বিশ্লেষকৰ মতে, আমেৰিকাৰ শুল্কনীতিৰ বাবে চীন সংকটত পৰিছিল। আনহাতে, ভাৰতো আমেৰিকাৰ কঠোৰ সিদ্ধান্তৰ প্ৰভাৱত আৰ্থিক চেলেঞ্জৰ সন্মুখীন হৈছিল। এই পৰিস্থিতিত বেইজিঙে উপলব্ধি কৰিছিল যে চুবুৰীয়া দুই দেশৰ মাজত সহযোগিতা অত্যাৱশ্যক।

ইতিহাসৰ ৰহস্য
উল্লেখযোগ্য যে, জিনপিঙে চিঠি প্ৰেৰণ কৰাৰ সময়ত আমেৰিকা ভাৰতৰ ওপৰত ৫০% শুল্ক আৰোপ কৰিছিল। তেতিয়াই কি জিনপিঙে আগতীয়াকৈ এই সংকটৰ আঁচ পাইছিল নেকি? এই প্ৰশ্নৰ উত্তৰ এতিয়াও ৰহস্যেই।